سوال: مفتی صاحب ! کیا مردہ شخص کا قرضہ اتارنے کے لیے زکوٰۃ کی رقم استمال کی جاسکتی ہے؟

جواب: واضح رہے کہ زکوۃ کی ادائیگی کے صحیح ہونے کے لیے ضروری ہے کہ کسی مستحقِ زکوۃ شخص کو زکوۃ کا مالک بنایا جائے۔ میت میں چونکہ مالک بننے اور خود قبضہ کرنے کی اہلیت نہیں ہے، لہٰذا زکوۃ کی رقم سے میت کا قرض ادا کرنے سے زکوۃ ادا نہیں ہوگی۔
ہاں! اگر میت کے ورثاء میت کا قرض ادا کرنا چاہتے ہوں اور وہ زکوۃ کے مستحق بھی ہوں، تو ان کو زکوۃ کی رقم مالک بنا کر دی جاسکتی ہے، پھر ورثاء اپنی خوشی ورضامندی سے اس رقم کے ذریعہ میت کا قرض ادا کردیں، تو اس طریقے سے زکوة بھی ادا ہوجائے گی، اور میت کا قرض بھی ادا ہو جائے گا۔