سوال: اگر کوئی شخص بیمار ہو اور وہ ورزش کی غرض سے نفل نمازیں پڑھے، تو اس کا ورزش کی غرض سے نفلی نمازیں پڑھنا کیسا ہے اور کیا اسے ثواب ملے گا؟

جواب: صورتِ مسئولہ میں ورزش کی غرض سے مستقل طور پر نماز پڑھنے کی ضرورت نہیں ہے، بلکہ نماز کے افعال قیام، رکوع اور سجدہ وغیرہ میں ضمناً خود بخود ورزش ہوجاتی ہے، لہذا جتنی توفیق ہو، نماز ہی کی نیت سے نفل نمازیں پڑھنی چاہئیں، تاکہ پورا پورا ثواب حاصل ہوسکے، لہذا نماز پڑھتے وقت ورزش ملحوظِ خاطر نہیں رکھنی چاہیے، ورنہ ثواب میں کمی آجائے گی۔