سوال: السلام علیکم ورحمۃ اللہ وبرکاتہ مفتی صاحب!
دوران عدت اگر بیٹے کا انتقال ہوجائے تو ماں اپنے بیٹے کا آخری دیدار دوا خانہ میں جاکر کر سکتی ہے؟

جواب: صورت مسئولہ میں اگر بیٹے کی میت ماں کی عدت گزارنے کی جگہ پر، ان کے پاس نہیں لائی جاسکتی ہو، اور ماں کی طبعیت بہت ہی زیادہ بے چین ہو اور کسی طرح بھی دل کو قرار نہ آتا ہو، تو ضرورت کے درجہ میں دن کی روشنی میں، رات کی تاریکی سے پہلے پہلے بیٹے کے آخری دیدار کے لیے جانے کی گنجائش ہے، البتہ اس میں حد درجہ کوشش کی جائے کہ آخری دیدار کرکے وہاں کم سے کم وقت گزارا جائے۔