سوال: مفتی صاحب! درج ذیل پلاٹوں کی زکوٰۃ کے بارے میں راہنمائی فرمائیں:
میری نیت یہ تھی کہ پلاٹ بچت کے طور پر خرید لیتا ہوں، اور اگر کبھی ضرورت پڑی تو فرخت کردوں گا۔
1۔پلاٹ قسطوں پر ہے، پلاٹ کی جگہ اور نمبر ابھی تک نہیں ملا۔
2۔ زمین کی قیمت ادا کردی ہے، ڈیولپمنٹ چارجز ادا نہیں کئے، جگہ اور نمبر ابھی تک نہیں ملا۔
3۔قسطیں ادا ہوچکی ہیں، متوقع نمبر جاری ہوگیا ہے، جبکہ جگہ کی تعیین نہیں ہوئی۔
براہ کرم وضاحت فرمادیں کہ ان میں سے کس پلاٹ پر زکوۃ واجب ہوگی؟

جواب: واضح رہے کہ اگر مکان، زمین یا پلاٹ خالص تجارت کی نیت سے خریدا ہو، تو مال تجارت ہونے کی وجہ سے اس کی مالیت پر زکوٰۃ واجب ہوتی ہے۔
صورت مسئولہ میں چونکہ آپ نے کوئی بھی پلاٹ تجارت کی نیت سے نہیں خریدا ہے، اس لئے ان کی مالیت پر کوئی زکوٰۃ آپ کے ذمہ واجب نہیں ہے۔