سوال: مفتی صاحب! ہمارے محلے میں ایک مسجد ہے، جس میں کافی عرصہ سے بغیر میٹر کے کونڈے کی بجلی استعمال ہورہی ہے، اسی بجلی میں اذان، نماز، تراویح ہو رہی ہے، وضو کا پانی بھی اسی بجلی سے بھرا جاتا ہے، کیا مسجد میں کونڈے کی بجلی کا استعمال جائز ہے؟ نیز اس مسجد میں نماز پڑھنا یا دوسری عبادات کرنا جائز ہے؟

جواب: واضح رہے کہ مسجد میں چوری کی بجلی استعمال کرنا، ناجائز اور گناہ کا کام ہے۔ مسجد کی کمیٹی اور اہل محلہ کو چاہیے کہ چوری کی بجلی ختم کروا کر قانونی بجلی حاصل کریں، البتہ جو نمازیں اس بجلی کی روشنی میں پڑھی گئی ہیں، وہ ادا ہوگئی ہیں، ان کو دہرانے کی ضرورت نہیں ہے۔