سوال: مفتی صاحب ! ہمارے علاقہ میں کچھ لوگ گورنمنٹ کی جگہ پر قبضہ کر کے اس کی خرید و فروخت کر رہے ہیں، کیا ان سے وہ جگہ خریدنا جائز ہے، جبکہ وہ زمین گورنمنٹ نے کسی کو الاٹ نہیں کی ہے؟ براہ کرم اس بارے میں شرعی حکم سے آگاہ فرمادیں۔

جواب: شریعت میں آدمی اپنی مملوکہ چیز کو فروخت کرنے کا حق رکھتا ہے، جو چیز اس کی ملکیت میں نہیں، اس کو فروخت کرنے کا اسے کوئی حق حاصل نہیں، لہذا گورنمنٹ کی زمین کو گورنمنٹ کی اجازت کے بغیر فروخت کرنا جائز نہیں ہے۔