سوال: اگر کوئی شخص کسی مہمان رشتہ دار کے آنے کی خوشی میں خوش آمدید کہنے کے لیے سجدہ کرے تو کیا وہ کافر ہوجائے گا؟

جواب: عبادت کی نیت سے کسی انسان کو سجدہ کرنا شرک ہے، جس سے انسان دائرہ اسلام سے خارج ہوجاتا ہے، اور اس پر توبہ و استغفار کرکے تجدید ایمان کرنا لازم ہوجاتا ہے، البتہ کسی کو تعظیماً سجدہ کرنا حرام اور گناہ کبیرہ ہے، لیکن اس سے انسان دائرہ اسلام سے خارج نہیں ہوگا، لہذا ایسے شخص پر لازم ہے کہ اپنے اس فعل پر توبہ و استغفار کرکے آئندہ مذکورہ حرام کام سے اجتناب کرے۔