سوال: ہمارے معاشرے میں یہ رواج ہے کہ اگر کوئی شخص کسی بات کو پختہ کرنے کے لئے قسم کھاتا ہے، تو کہتا ہے کہ "اگر میں نے فلاں کام نہیں کیا، تو میں اپنے باپ کے نطفہ سے نہیں ہوں گا"، سوال یہ ہے کہ کیا یہ قسم کے الفاظ ہیں اور اور اگر وہ شخص قسم کو پورا نہ کرپائے، تو کیا اس کے ذمہ کفارہ واجب ہوگا؟

جواب: صورت مسئولہ میں مذکورہ الفاظ، الفاظِ قسم نہیں ہیں، لہذا ان الفاظ کے کہنے سے قسم منعقد نہیں ہوگی اور نہ ہی مخالفت کی صورت میں کفارہ واجب ہوگا، کیونکہ قسم منعقد ہونے کے لئے ضروری ہے کہ وہ اللہ کی ذات یا صفات پر اٹھائی جائے، جبکہ یہاں ایسی کوئی بات موجود نہیں ہے، البتہ اس طرح کے الفاظ کہنے سے اجتناب کرنا چاہیے۔