سوال: مفتی صاحب ! گلاس، بوتل یا اور کسی برتن میں منہ لگا کر پانی پینا ضروری ہے یا بغیر منہ لگائے بھی پی سکتے ہیں؟

جواب: پانی پینے کے آداب میں سے یہ ہے کہ پانی گلاس، کٹورے وغیرہ میں نکال کر پیا جائے، بوتل سے منہ لگا کر نہ پیا جائے، اس طرح پانی پینے سے رسول اکرم صلی اللہ علیہ وسلم نے منع فرمایا ہے، کیونکہ اس صورت میں دوسروں کے لیے اسی بوتل سے پانی پینا کراہیت کا باعث ہوتا ہے، اسی لئے بوتل، مشکیزہ وغیرہ سے منہ لگاکر پانی پینے کو فقہائے کرام نے مکروہ کہا ہے۔اگر بوتل اجتماعی طور پر پانی پینے کے لئے نہ ہوتو ایسی صورت میں منہ لگا کر بوتل سے پانی پینے میں کراہیت نہیں ہوگی۔