سوال:
کیا فجر کی سنتیں جلدی جلدی پڑھنا سنت ہے؟ اگر ہاں تو جلدی جلدی پڑھنے کا کیا مطلب ہے؟
جواب: فجر کی سنتوں میں تخفیف ( یعنی مختصر پڑھنا) مستحب ہے، احادیث میں مروی ہے کہ آپ صلی اللہ علیہ وسلم اکثر فجر کی سنتوں کی پہلی رکعت میں سورۃ الکافرون اور دوسری رکعت میں سورۃ الاخلاص پڑھا کرتے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذی: (باب مَا جَاءَ فِي تَخْفِيفِ رَكْعَتَىِ الْفَجْرِ، رقم الحدیث: 417)
عن ابن عمر قال: رمقت النبي صلى الله عليه وسلم شهرا فكان يقرا في الركعتين قبل الفجر ب: قل يا ايها الكافرون و قل هو الله احد۔
رد المحتار: (20/2، ط: سعید)
یؤیدہ ما فی البحر عن الخلاصہ: السنۃ فی رکعتی الفجر قراءۃ الکافرون و الاخلاص۔
واللہ تعالٰی اعلم بالصواب
دارالافتاء الاخلاص،کراچی