سوال:
موتی اور جواہرات پر زکوٰۃ فرض ہے یا نہیں؟
جواب: یاد رہے کہ موتی اور جواہرات پر زکوٰۃ واجب نہیں ہے، البتہ اگر موتی، ہیرے اور جواہرات تجارت کی نیت سے خریدے گئے ہوں، اور انکی مالیت خود یا دوسرے اموال کے ساتھ مل کر مقدار نصاب کو پہنچتی ہے، تو ان پر ڈھائی فیصد کے حساب سے زکوٰۃ ادا کی جائے گی، اور اگر یہ تجارت کی نیت سے نہیں خریدے گئے، یا تجارت کی نیت سے تو خریدے گئے ہوں، لیکن انکی مالیت خود یا دوسرے اموال کے ساتھ مل کر نصاب کو نہیں پہنچتی، تو ان پر زکوٰۃ واجب نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
بدائع الصنائع: (180/1، ط: دار الفکر)
وأما اليواقيت واللآلئ والجواهر فلا زكاة فيها، وإن كانت حليا إلا أن تكون للتجارة كذا في الجوهرة النيرة۔
واللہ تعالٰی اعلم بالصواب
دارالافتاء الاخلاص،کراچی