سوال: اگر کوئی شخص داڑھی منڈاتا ہو یا کترواتا ہو، تو کیا ایسے شخص کی گواہی معتبر ہے؟

جواب: داڑھی منڈانا یا کتروانا گناہ کبیرہ اور فسق و فجور ہے اور فاسق و فاجر شخص کی گواہی معتبر نہیں ہوتی ہے، لہذا داڑھی منڈانے یا کتروانے والے شخص کی گواہی بھی معتبر نہیں ہے، البتہ چونکہ موجودہ معاشرہ دینی انحطاط کا شکار ہے، لہذا اگر کوئی داڑھی والا گواہ موجود نہ ہو اور کسی کی حق تلفی کا اندیشہ ہو، تو ایسے داڑھی منڈانے یا کتروانے والے شخص کی گواہی قبول کی جاسکتی ہے، جو معتبر ہو اور جس کے سچا ہونے پر قاضی کو اعتماد ہو۔