سوال:
تم پر سچ بولنا لازم ہے، کیونکہ سچ بولنا نیکی کا راستہ دکھلاتا ہے۔ کیا یہ حدیث مسلم شریف میں موجود ہے؟
جواب: سوال میں ذکرکردہ روایت’’ صحیح ‘‘ہے،لہذا اس روایت کوبیان کیاجاسکتا ہے۔ذیل میں اس روایت کا ترجمہ ذکرکیا جاتا ہے:
ترجمہ: حضرت عبداللہ بن مسعود رضی اللہ تعالی عنہ سے روایت ہے کہ رسول اللہ ﷺ نے فرمایا: ’’سچ نیکی اور اچھائی کے راستے پر لے جاتا ہے اور نیکی جنت کی طرف لے جاتی ہے، ایک آدمی سچ بولتا رہتا ہے حتی کہ وہ اللہ کے ہاں صدیق لکھ دیا جاتا ہے اور جھوٹ فسق و فجور کی طرف لے جاتا ہے اور فسق و فجور (جہنم کی) آگ کی طرف لے جاتا ہے اور ایک آدمی جھوٹ بولتا رہتا ہے، یہاں تک کہ اللہ تعالیٰ کے نزدیک اسے کذاب لکھ دیا جاتا ہے۔‘‘( صحيح مسلم،حدیث نمبر: 2607) (۱)
۔۔۔۔۔۔۔۔۔۔۔۔۔۔۔
دلائل:
(۱)صحيح مسلم:(4/2013،رقم الحديث: 2607،ط:دارإحياء التراث العربي)
عن عبد الله، قال: قال رسول الله صلى الله عليه وسلم: «عليكم بالصدق، فإن الصدق يهدي إلى البر، وإن البر يهدي إلى الجنة، وما يزال الرجل يصدق ويتحرى الصدق حتى يكتب عند الله صديقا، وإياكم والكذب، فإن الكذب يهدي إلى الفجور، وإن الفجور يهدي إلى النار، وما يزال الرجل يكذب ويتحرى الكذب حتى يكتب عند الله كذابا»
واللہ تعالٰی اعلم بالصواب
دارالافتاء الاخلاص،کراچی