سوال:
مفتی صاحب !میں ٹیونشن پڑھاتا ہوں، میں نے اسٹوڈنٹ کا کورس مکمل کروادیا ہے، لیکن اس کے امتحان کورونا کی وجہ سے ملتوی ہوگئے ہیں، میں نے ایک یا دو مہینے میں نے اس کو نہیں پڑھایا، لیکن امتحان کے بعد وہ طالب علم مجھ سے پڑھے گا، تو کیا ان دو مہینوں کی فیس جو مجھے ملی ہے، جس میں میں نے نہیں پڑھایا، یہ میرے لیے لینا جائز ہے؟

جواب: واضح رہے کہ آپ نے اگر ابتداءً طے کرلیا ہو کہ میں چھٹیوں کے ایام کی فیس لوں گا، یا چھٹیوں کی فیس کی ادائیگی عرفاً معروف ہو، تو اس صورت میں چھٹیوں کی فیس وصول کرنا جائز ہے، البتہ اگر کسی نے معاہدہ کرتے وقت صراحت کے ساتھ فیس دینے سے منع کردیا ہو، تو پھر اس صورت میں آپ فیس لینے کے حقدار نہیں ہوں گے۔