سوال:
ایسے مرد اور عورتیں جن کے بال سیاہ ہیں سفید نہیں ہوئے، کیا وہ اپنے بالوں کو کسی اور رنگ سے رنگ سکتے ہیں؟
اس کے لئے عموما دو طریقے اختیار کیے جاتے ہیں:
1) کالے بالوں کو بلیچ لگا کر ان کا قدرتی کالا رنگ ختم کر دیا جاتا ہے تو وہ بال سفید ہو جاتے ہیں، پھر ان کو جس رنگ میں چاہیں رنگ دیں۔ اس طرح سے رنگے ہوئے بال تقریبا سال سوا سال تک نئے رنگ سے رنگے رہتے ہیں، نئے بال جڑ کی جانب سے بڑھتے ہیں تو آہستہ آہستہ سوا سال کے بعد رنگا ہوا حصہ ختم ہو جاتا ہے۔
2) کالے بالوں کو بغیر سفید کیے ڈائریکٹ دوسرے رنگ میں رنگا جاتا ہے، اس طریقہ سے رنگ ایک سے ڈیڑھ ماہ تک برقرار رہتا ہے، پھر بال دوبارہ کالے ہو جاتے ہیں۔
کیا مذکورہ دونوں طریقے شریعت کی نگاہ میں درست ہیں یا نہیں؟ نیز فتوی سیاہ بالوں پر رنگ کرنے کے بارے میں مطلوب ہے۔
جواب: بالوں کو کالے رنگ سے رنگنا مکروہِ تحریمی ہے، اور کالے رنگ کے علاوہ دوسرے رنگوں سے رنگنا جائز ہے، بشرطیکہ اس ميں كفار يا فاسق لوگوں سے مشابہت نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابی داؤد: (باب ما جاء في خضاب السواد، رقم الحدیث: 4211)
عن ابن عباس، قال: مر على النبي صلى الله عليه وسلم رجل قد خضب بالحناء، فقال: «ما أحسن هذا» قال: فمر آخر قد خضب بالحناء والكتم، فقال: «هذا أحسن من هذا»، قال: فمر آخر قد خضب بالصفرة، فقال: «هذا أحسن من هذا كله»
و فیہ ایضا: (باب ما جاء في خضاب السواد، رقم الحدیث: 4212)
عن ابن عباس رضي اللّٰہ عنہما قال: قال رسول اللّٰہ صلی اللّٰہ علیہ وسلم: یکون قوم یخضبون في آخر الزمان بالسواد کحواصل الحمام، لا یریحون رائحۃ الجنۃ۔
و فیہ ایضا: (رقم الحدیث: 4031)
حدثنا عثمان بن أبي شيبة، حدثنا أبو النضر، حدثنا عبد الرحمن بن ثابت، حدثنا حسان بن عطية، عن أبي منيب الجرشي، عن ابن عمر، قال: قال رسول الله صلى الله عليه وسلم: «من تشبه بقوم فهو منهم»۔
رد المحتار: (756/6، ط: دار الفکر)
ومذهبنا استحباب خضاب الشيب للرجل والمرأة بصفرة أو حمرة وتحريم خضابه بالسواد على الأصح لقوله - عليه الصلاة والسلام - «غيروا هذا الشيب واجتنبوا السواد» اه
واللہ تعالٰی اعلم بالصواب
دارالافتاء الاخلاص،کراچی