سوال:
بعض مسلمان دوسروں کو اے فاسق! یا اے کافر! کہہ کر پکارتے ہیں، اس طرح کسی مسلمان کو فاسق یا کافر کہہ کر پکارنا کیسا ہے؟
جواب: واضح رہے کہ کسی مسلمان کو اے فاسق! یا اے کافر! کہہ کر پکارنا اس کی ہتک اور توہین میں داخل ہے جو کہ حرام اور گناہ کبیرہ ہے، اسے قرآن و سنت نے صراحت کے ساتھ منع کیا ہے، لہذا کسی مسلمان کو اس طرح کہنے سے اجتناب کرنا لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
شرح النووی: (53/2، ط: دار احیاء التراث العربی)
عن عبد ﷲ بن مسعود ؓ قال قال رسول ﷲﷺ : سباب المسلم فسوق وقتالہ کفر۔
السب فی اللغۃ الشتم والتکلم فی عرض الانسان بما یعیبہ …معنی الحدیث فسب المسلم بغیر حق حرام باجماع الامۃ وفاعلہ فاسق۔
الدر المختار: (69/4، ط: دار الفکر)
وعزر الشاتم بیاکافر ……یافاجر یامخنث یاخائن۔
واللہ تعالٰی اعلم بالصواب
دارالافتاء الاخلاص،کراچی