سوال:
مفتی صاحب ! ہندوستان میں بعض مسلمان دلہنوں کو شادی کے موقع پر سندور لگایا جاتا ہے، سوال یہ ہے کہ مسلمان عورت کے لئے سندور لگانے کا کیا حکم ہے؟
جواب: واضح رہے کہ مسلمان عورتوں کے لئے زیب و زینت میں غیرمسلم عورتوں کا طریقہ اختیار کرنا درست نہیں ہے، اور زیب و زینت کے لئے سندور لگانے میں چونکہ ہندو عورتوں کے ساتھ مشابہت پائی جاتی ہے، لہذا مسلمان عورتوں کو سندور لگانے سے اجتناب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذی: (353/4، ط: دار الغرب الاسلامی)
أن رسول الله صلى الله عليه وسلم قال: ليس منا من تشبه بغيرنا، لا تشبهوا باليهود ولا بالنصارى۔۔الخ
سنن أبي داؤد: (باب في لبس الشھرۃ، رقم الحدیث: 4031)
عن ابن عمر رضي اللّٰہ عنہما قال: قال رسول اللّٰہ صلی اللّٰہ علیہ وسلم: من تشبہ بقوم فہو منہم۔
واللہ تعالٰی اعلم بالصواب
دارالافتاء الاخلاص،کراچی