سوال:
مفتی صاحب ! ہمارے ہندوستان میں بعض مسلمان عورتیں ماتھے پر بِندیا لگاتی ہیں، کیا ان کا یہ عمل درست ہے؟
جواب: شریعتِ مطہرہ میں عورتوں کو زیب و زینت اختیار کرنے کی شرعا اجازت ہے، بشرطیکہ اس میں غیر مسلموں کی مشابہت نہ پائی جاتی ہو اور چونکہ ماتھے پر بِندیا لگانے میں ہندوں خواتین سے مشابہت پائی جاتی ہے، لہذا مسلمان عورتوں کے لئے زیب و زینت کے لئے ماتھے پر بِندیا لگانا جائز نہیں ہے، لہذا اس سے گریز کرنا لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذی: (353/4، ط: دار الغرب الاسلامی)
أن رسول الله صلى الله عليه وسلم قال: ليس منا من تشبه بغيرنا، لا تشبهوا باليهود ولا بالنصارى۔۔الخ
سنن أبي داؤد: (باب في لبس الشھرۃ، رقم الحدیث: 4031)
عن ابن عمر رضي اللّٰہ عنہما قال: قال رسول اللّٰہ صلی اللّٰہ علیہ وسلم: من تشبہ بقوم فہو منہم۔
واللہ تعالٰی اعلم بالصواب
دارالافتاء الاخلاص،کراچی