سوال:
مفتی صاحب ! کیا جوتوں یا چپلوں کو اتارنے کے بعد ان پر کھڑے ہوکر نماز جنازہ پڑھ سکتے ہیں؟
جواب: جوتے اور چپل اتارنے کے بعد ان پر کھڑے ہوکر نمازِ جنازہ پڑھنا درست ہے، اور اس صورت میں جوتوں اور چپلوں کا اوپری حصہ (جہاں پیر رکھا ہوا ہو) کا پاک ہونا ضروری ہے، جگہ کا پاک ہونا اور جوتوں، چپلوں کے اطراف اور ان کے تلے کا پاک ہونا ضروری نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البحر الرائق: (193/2، ط: دار الكتاب الإسلامي)
لو قام على النجاسة، وفي رجليه نعلان لم يجز، ولو افترش نعليه وقام عليهما جازت، وبهذا يعلم ما يفعل في زماننا من القيام على النعلين في صلاة الجنازة لكن لا بد من طهارة النعلين كما لا يخفى۔۔الخ
کذا فی فتاویٰ دار العلوم دیوبند: رقم الفتوی: 605-514/6/1439
واللہ تعالٰی اعلم بالصواب
دارالافتاء الاخلاص،کراچی