سوال: السلام عليكم، اللہ‎ پاک سے امید ہے کہ سب خیریت سے ہونگے، حضرت ! مجھے یہ پوچھنا ہے کہ کیا ایک مسلمان عورت پردہ میں رہتے ہوئے موٹر سائیکل چلا سکتی ہے؟

جواب: شرعی اعتبار سے اگر مسلمان عورت پردہ میں ہو تو اس کا موٹر سائیکل چلانا جائز ہے۔
البتہ واضح رہے کہ ہر مباح اور جائز کام کرنا ضروری نہیں ہوتا، بعض چیزیں معاشرے کے آداب اور مروت کے خلاف ہوتی ہیں، اس لیے ان کاموں کو نہ کرنا بہتر ہے، اس کی مثال کچھ یوں ہے کہ نکاح کے بعد اور رخصتی سے پہلے میاں بیوی کا آپس میں ملاقات کرنا اور خلوت اختیار کرنا ہر اعتبارسے جائز ہے، لیکن ہمارے ہند و پاک معاشرے میں رخصتی سے پہلے ملنا معیوب اور شرم و حیا کے خلاف سمجها جاتا ہے، اسی طرح عورت کا موٹر سائیکل چلانا اگرچہ فی نفسہ جائز تو ہے، مگر ہمارے معاشرے میں اس کو معیوب سمجھنے کی وجہ سے نہ چلانا بہتر ہے، کیونکہ اگر اس کا رواج عام کیا جائے تو یہ چیز آگے چل کر مزید فتنوں کا باعث بن سکتی ہے۔