سوال:
السلام علیکم، حضرت ! میری گاڑی سے ایک کبوتر ٹکرا کرمر گیا، کیا کفارہ ادا کرنا ہوگا؟
جواب: واضح رہے کہ پرندوں کو بلا عذر مارنا یا تکلیف دینا شریعت میں منع ہے، ایسا کرنے والے پر لازم ہے کہ وہ اللہ تعالی کے حضور سچی توبہ کرے۔
صورتِ مسئولہ میں آپ نے کبوتر کو قصدا نہیں مارا ہے، بلکہ اتفاقاً گاڑی کے سامنے آجانے کے سبب اس کی موت واقع ہوئی ہے، لہٰذا اس صورت میں آپ پر کوئی کفارہ لازم نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (کتاب الصید، 462/6، ط: دار الفکر)
الصید مباح اِلّا للتلہیّ۔
( هو مباح ) بخمسة عشر شرطاً مبسوطة في العناية، وسنقرره في أثناء المسائل ( إلا ) لمحرم في غير المحرم أو ( للتلهي ) كما هو ظاهر (أو حرفةً) على ما في الأشباه.
واللہ تعالٰی اعلم بالصواب
دارالافتاء الاخلاص،کراچی