سوال: حضرت جناب مفتی صاحب! پوچھنا یہ تھا کہ اگر زکوة کی رقم سعودی عرب سے بذریعہ بینک ٹرانسفر پاکستان بھیجی جا رہی ہو، تو کیا بینک چارجز زکوۃ کی رقم میں سے ادا کر سکتے ہیں یا الگ سے ادا کر نے ہونگے؟ جزاک اللہ خیرا

جواب: بینک کے ذریعے زکوۃ کی رقم بھیجنے کا خرچہ زکوۃ سے ادا کرنا جائز نہیں ہے، پھر بھی اگر بینک کا خرچہ زکوۃ کی رقم سے ادا کیا گیا، تو اس قدر زکوۃ ادا نہیں ہوگی، کیونکہ زکوۃ ادا ہونے کے لئے مستحق زکوۃ شخص کو اس کا مالک بنانا ضروری ہے۔