سوال:
سنا ہے کہ رات کے وقت خواب بیان نہیں کرنا چاہیے، کیا یہ بات درست ہے؟
جواب: مذکورہ خیال درست نہیں ہے، خواب بیان کرنے کا کوئی خاص وقت شرعاً مقرر نہیں ہے، دن یا رات کسی بھی وقت خواب بیان کیا جاسکتا ہے، البتہ خواب ہر ایک کو بیان کرنا مناسب نہیں ہے، بلکہ ایسے شخص کو بیان کیا جائے جو خوابوں کی تعبیر کے علم سے واقف ہو اور خیر خواہانہ مشورہ دے سکتا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذي: (رقم الحدیث: 2278، ط: دار الغرب الاسلامی)
عن ابي رزين العقيلي، قال: قال رسول الله صلى الله عليه وسلم: " رؤيا المؤمن جزء من اربعين جزءا من النبوة، وهي على رجل طائر ما لم يتحدث بها، فإذا تحدث بها سقطت، قال: واحسبه قال: ولا يحدث بها إلا لبيبا او حبيبا ".
والله تعالىٰ أعلم بالصواب
دارالافتاء الإخلاص،کراچی