سوال: السلام علیکم، ایک عورت کا انتقال ہوا، جس کے ورثاء میں ایک بھائی، تین بیٹے اور ایک بیٹی ہے اور تین بیٹوں میں سے ایک بیٹے کا اس عورت کی حیات میں ہی انتقال ہوگیا تھا، جس کے ورثاء میں بیوہ ، تین بیٹے اور دو بیٹیاں ہیں، میراث کی تقسیم فرمادیں، شکریہ

جواب: مرحومہ کی تجہیز و تکفین کے جائز اور متوسط اخراجات، قرض کی ادائیگی اور اگر کسی غیر وارث کے لیے جائز وصیت کی ہو، تو ایک تہائی (1/3) میں وصیت نافذ کرنے کے بعد کل جائیداد منقولہ اور غیر منقولہ کو پانچ حصوں میں تقسیم کیا جائے گا، جس میں سے دو بیٹوں میں سے ہر بیٹے کو دو (2) اور بیٹی کو ایک (1) حصہ ملے گا، جبکہ مرحومہ کے بھائی، مرحوم بیٹے کی بیوی اور بچوں کو کچھ نہیں ملے گا۔
اگر فیصد کے اعتبار سے تقسیم کریں تو
دونوں بیٹوں میں سے ہر بیٹے کو %40 فیصد اور بیٹی کو %20 فیصد ملے گا۔
واضح رہے کہ مرحوم کی زندگی میں جس رشتہ دار کا انتقال ہو جائے، اس کا مرحوم کے ترکہ میں کوئی حصہ نہیں ہوتا، لہذا جس بیٹے کا انتقال والدہ کی زندگی میں ہو گیا تھا، اس کی بیوی اور بچوں کو والدہ کی میراث میں سے کچھ حصہ نہیں ملے گا۔