سوال: السلام علیکم، مفتی صاحب ! شریعت کی روشنی میں رہنمائی فرمائیں کہ اگر امام صاحب نماز پڑھانے کے بعد اجتماعی دعا میں ان الفاظ میں دعا کرے " یا رسول اللہ انظر حالنا۔اننی فی بحر ھم مغرق۔ یاحبیب الالہ خذبیدی ۔فسھل یا الھی کل صعب۔یا حبیب اللہ اسمع قالنا ۔خذیدی سھل لنا اشکالنا ۔ مالعجزی سواک مستندی۔ بحرمتہ سید الابرار سھل" ان الفاظ میں واضح شرک کا شبہ ہو رہا ہے تو کیا ایسے شخص کے پیچھے نماز ہو جاتی ہے یا نماز واجب الاعادہ ہے؟

جواب: مذکورہ اشعار کے معانی میں تاویل ہوسکتی ہے، مگر بظاہر ان اشعار سے شرک کا وہم اور شائبہ ہوتا ہے، لہذا اگر کوئی شخص کسی صحیح تاویل کے بغیر، ان اشعار کو شرکیہ عقیدہ رکھتے ہوئے پڑھتا ہے، تو ایسے شخص کے پیچھے نماز کسی صورت میں جائز نہیں ہے۔
لیکن اگر کوئی ان اشعار میں شرکیہ معانی کے علاوہ کوئی صحیح تاویل کرتا ہے، تو اس کے پیچھے جماعت سے نماز پڑھنا تنہا نماز پڑھنے سے بہتر ہے، کیونکہ جماعت سے نماز پڑھنے کی بہت تاکید کی گئی ہے۔