سوال: مفتی صاحب ! ہماری فیکٹری میں کچھ ہندو بھی کام کرتے ہیں، ان میں سے کچھ کبھی کھانا بھی ہمارے ساتھ کھاتے ہیں اور جو برتن وہ استعمال کرتے ہیں، وہی ہمیں بھی استعمال کرنے ہوتے ہیں، کیا کسی ہندو کے ساتھ کھانا یا جس گلاس میں ہندو نے پانی پیا ہو، اس گلاس میں پانی پینا جائز ہے؟

جواب: ہندوؤں کے ساتھ کھانے پینے سے متعلق حکم یہ ہے کہ اگر ہندو کے ہاتھ اور منہ پر ظاہری نجاست نہ لگی ہو اور کھاناحلال ہو اور برتن بھی پاک ہو تو ان کے ساتھ ایک برتن میں کھانا کھانے میں کوئی قباحت نہیں ہے، لیکن اس پر مداومت اختیار کرنا، یعنی اس کی عادت بنالینا مناسب نہیں ہے، البتہ اگر ان کے ساتھ اٹھنے بیٹھنے سے دینی حمیت ختم ہونے کا اندیشہ ہوتو پھر ایسے کفار سے میل جول رکھنے اور ان کے ساتھ کھانے پینے سے احتیاط کرنا لازم ہے۔