سوال: مفتی صاحب ! ایک شخص نے اپنی زمین 10 لاکھ میں 1 ماہ کے وقت پہ بیچی، خریدار نے قیمت ادا نہیں کی 8 ماہ ہو گئے ہیں، اب جب وہ قیمت ادا کرنے لگا ہے تو بیچنے والا کہتا ہے کہ مجھے اب 10 لاکھ نہیں چاہیئے، بلکہ 14 لاکھ لونگا، کیونکہ تمہاری وجہ سے میرے پیسے پھسے رہے، ورنہ میں کاروبار میں لگا کر پیسے ڈبل کر لیتا، اور اب زمین کی قیمت بھی بڑھ چکی ہے۔
پوچھنا یہ ہے کہ بیچنے والے کے لیے 8 ماہ انتظار کی وجہ سے 10 کے بجائے 14 لاکھ لینا جائز ہے؟

جواب: واضح رہے کہ کسی چیز کی قیمت کی ادائیگی (payment) میں اپنے وقت مقررہ سے تاخیر کی وجہ سے جو متوقع کاروباری نقصان ہوا ہے، اس کو پورا کرنے کے لیے، اصل قیمت سے اضافی رقم وصول کرنا بلاشبہ سود کے زمرے میں آتا ہے، لہذا اس سے اجتناب کرنا ضروری ہے۔