سوال: چمگادڑ کا گھر میں آنا اور گھونسلہ بنانا کیسا ہے؟ لوگ کہتے ہیں کہ گھر کے ویران ہونے کی علامت ہے، ہم نے بہت چمگادڑ مارے ہیں لیکن پھر بھی وہ گھر سے نہیں جاتے، براہ کرم آپ شرعی طور پر رہنمائی فرمادیں۔

جواب: اسلام حقائق اور صداقت پر مشتمل کامل اور مکمل دین ہے۔ توہمات، خرافات، بدشگونی اور مختلف چیزوں کی نحوست کے تصور سے اس کا کوئی تعلق نہیں ہے۔ اس قسم کی توہم پرستی اور بدشگونی کا عقیدہ زمانہ جاہلیت میں رکھا جاتا تھا جبکہ حقیقت میں ایسا کچھ نہیں ہے، لہذا مسلمانوں کو اس قسم کے توہمات اور خرافات سے اجتناب کرنا چاہیے۔