سوال:
السلام وعلیکم ورحمتہ وبرکاتہ،
حضرت ! گھر کی گیلری میں کچھ دیر دھوپ یا ہوا کے لیے بیٹھا جا سکتا ہے؟ اگرچہ گیلری کے سامنے والے گھر میں ایک خان صاحب باوجود مکمل پردہ ہونے کے اس پر اعتراض کریں، کیا ان کا یہ اعتراض جائز ہے؟
جواب: واضح رہے کہ احادیث مبارکہ میں پڑوسی کے حقوق کی بہت تاکید وارد ہوئی ہے، لہذا کوشش کرنی چاہیے کہ ہمارے کسی عمل سے پڑوسی کو تکلیف نہ پہنچے۔
اگر گیلری میں دھوپ یا ہوا کے لیے کسی ایسے متبادل طریقے کو اختیار کر لیاجائے کہ جس سے بے پردگی کا اعتراض بھی نہ رہے اور آپ کی ضرورت بھی پوری ہو جائے تو یہ زیادہ بہتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح البخاری: (10/8، ط: دار طوق النجاۃ)
عن عائشة رضي الله عنها، عن النبي صلى الله عليه وسلم قال: «ما زال يوصيني جبريل بالجار، حتى ظننت أنه سيورثه»
عن أبي شريح، أن النبي صلى الله عليه وسلم قال: «والله لا يؤمن، والله لا يؤمن، والله لا يؤمن» قيل: ومن يا رسول الله؟ قال: «الذي لا يأمن جاره بوايقه»
واللہ تعالٰی اعلم بالصواب
دارالافتاء الاخلاص،کراچی