سوال: اس حدیث شریف کی صحت کے بارے میں ارشاد فرمادیں: "ابن عباس رضی اللہ عنہما نے بیان کیا کہ نبی کریم ﷺ پریشانی کے وقت یہ دعا کرتے تھے لَا إِلَهَ إِلَّا اللَّهُ الْعَلِيمُ الْحَلِيمُ ، لَا إِلَهَ إِلَّا اللَّهُ رَبُّ الْعَرْشِ الْعَظِيمِ ، لَا إِلَهَ إِلَّا اللَّهُ رَبُّ السَّمَوَاتِ وَرَبُّ الْأَرْضِ رَبُّ الْعَرْشِ الْكَرِيمِ. (صحیح بخاری، رقم الحدیث: 7426)

جواب: سوال میں ذکرکردہ روایت صحیح بخاری میں موجود ہے، ذیل میں مکمل روایت، سند، متن اور ترجمہ کے ساتھ ذکر کی جاتی ہے۔
حدثنا معلى بن أسد، حدثنا وهيب، عن سعيد، عن قتادة، عن أبي العالية، عن ابن عباس رضي الله عنهما، قال: كان النبي صلى الله عليه وسلم يقول عند الكرب: «لا إله إلا الله العليم الحليم، لا إله إلا الله رب العرش العظيم، لا إله إلا الله رب السموات ورب الأرض رب العرش الكريم»
(126/9، حدیث نمبر: 7426، ط: دار طوق النجاۃ)
ترجمہ:
حضرت عبداللہ بن عباس رضی اللہ عنہ سےروایت ہے کہ جناب نبی اکرم ﷺ پریشانی کے وقت یہ دعا کرتے تھے:
’’لَا إِلَهَ إِلَّا اللَّهُ الْعَلِيمُ الْحَلِيمُ ، لَا إِلَهَ إِلَّا اللَّهُ رَبُّ الْعَرْشِ الْعَظِيمِ ، لَا إِلَهَ إِلَّا اللَّهُ رَبُّ السَّمَوَاتِ وَرَبُّ الْأَرْضِ رَبُّ الْعَرْشِ الْكَرِيمِ.
ترجمہ: ”اللہ کے سوا کوئی معبود نہیں، جو بہت جاننے والا بڑا بردبار ہے، اللہ کے سوا کوئی معبود نہیں، جو عرش عظیم کا رب ہے، اللہ کے سوا کوئی رب نہیں، جو آسمانوں کا رب ہے، زمین کا رب ہے اور عرش کریم کا رب ہے۔
حدیث کا حکم:
امام ترمذیؒ نے اس حدیث کو ’’حسن صحیح ‘‘ کہا ہے، لہذا اس روایت کو بیان کیا جاسکتا ہے۔