سوال: السلام عليكم، میرا سوال یہ ہے کہ میرے پاس کسی کے پیسے ہیں اور وہ مل نہیں رہا تو ایسے پیسے کا کیا کرنا چاہیے؟

جواب: پوچھے گئے سوال کی صورت میں اگر تلاش کے باوجود قرض خواہ نہ ملے، اور آئندہ اس کے ملنے کی کوئی امید بھی نہ ہو، تو قرضہ کی رقم اس شخص کی طرف سے کسی محتاج فقیر کو صدقہ کردی جائے، لیکن اگر بعد میں قرض خواہ مل جائے اور وہ صدقہ پر راضی نہ ہو، تو قرضہ کی رقم اس کو واپس کرنا ہوگی، اس صورت میں صدقہ قرضدار کی طرف سے ہوجائے گا۔