سوال:
میں صبح آفس جاتے ہوئے وضو کرلیتی ہوں، پھر آفس چلی جاتی ہوں، میرے کپڑوں پر پرفیوم بھی لگا ہوا ہوتا ہے، کیا میں صبح کے کیے ہوئے وضو سے ان پرفیوم والے کپڑوں میں ظہر کی نماز پڑھ سکتی ہوں؟
جواب: آج کل پرفیوم اور عطر وغیرہ میں جو "الکحل" ملایا جاتا ہے، اگر وہ انگور یا کھجور کی شراب سے بنا ہوا ہو تو وہ ناپاک ہے اور اس کا استعمال ناجائز ہے اور ایسے پرفیوم لگے ہوئے کپڑوں میں نماز ادا نہیں ہوگی، لیکن اگر وہ پرفیوم ایسے الکحل پر مشتمل ہو جو انگور اور کھجور کے علاوہ کسی اور چیز مثلاً: مکئی، جوار، بیر، آلو، چاول یا پیٹرول وغیرہ سے بنا ہوا ہو (جیسا کہ تحقیق سے یہ معلوم ہوا کہ آ ج کل عام طور پر "اسپرٹ اور الکحل" کے لیےانگور اور کھجور استعمال نہیں کی جاتی) تو چونکہ اس قسم کا الکحل ناپاک نہیں ہوتا، لہذا اس قسم کے پرفیوم لگے ہوئے کپڑوں میں نماز پڑھنا صحیح ہوگا۔
نیز گھر سے نکلتے وقت جو وضو کیا تھا، اگر وہ وضو برقرار ہے تو اسی وضو سے نماز پڑھ سکتے ہیں، ازسرنو وضو کرنا ضروری نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
تکملۃ فتح الملہم: (حکم الکحول المسکرۃ، 408/3، ط: مکتبۃ دار العلوم کراتشی)
حکم الکحول المسکرۃ (Alcohals) فإنہا إن اتخذت من العنب أو التمر فلا سبیل إلی حلتہا أو طہارتہا ، وإن اتخذت من غیرہا فالأمر فیہا سہل علی مذہب أبي حنیفۃ .... وإن معظم الکحول التي تستعمل الیوم في الأدویۃ والعطور وغیرہا لا تتخذ من العنب أو التمر ، إنما تتخذ من الحبوب أو القشور أو البیترول وغیرہ ، وحینئذ ہناک فسحۃ في الأخذ بقول أبي حنیفۃ عند عموم البلوٰی ؛ واللہ سبحانہ أعلم ۔
رد المحتار: (119/1، ط: دار الفکر)
قال فی شرح المصابیح: وإنما یستحب الوضوء إذا صلی بالوضوء الأول صلاة، کذا فی الشرعة والقنیة. اہ. وکذا ما قالہ المناوی فی شرح الجامع الصغیر للسیوطی عند حدیث من توضأ علی طہر کتب لہ عشر حسنات من أن المراد بالطہر الوضوء الذی صلی بہ فرضا أو نفلا کما بینہ فعل راوی الخبر وہو ابن عمر، فمن لم یصل بہ شیئا لا یسن لہ تجدیدہ. اہ. ومقتضی ہذا کراہتہ، وإن تبدل المجلس ما لم یؤد بہ صلاة أو نحوہا لکن ذکر سیدی عبد الغنی النابلسی أن المفہوم من إطلاق الحدیث مشروعیتہ ولو بلا فصل بصلاة أو مجلس آخر، ولا إسراف فیما ہو مشروع، أما لو کررہ ثالثا أو رابعا فیشترط لمشروعیتہ الفصل بما ذکر، وإلا کان إسرافا محضا اہ فتأمل․
واللہ تعالٰی اعلم بالصواب
دارالافتاء الاخلاص،کراچی