سوال:
مفتی صاحب! سورۃ یس اور سورہ الصافات کو جمعہ کے دن تلاوت کرنا حدیث سے ثابت ہے یا نہیں؟
جواب: واضح رہے کہ جمعہ کی رات میں "سورۃ یس"اور "سورۃ الصافات "پڑھنے کى فضیلت کسى حدیث سے ثابت نہیں ہے، تاہم ایک حدیث میں ان دونوں سورتوں کو جمعہ کى رات میں پڑھنے کى فضیلت بیان کى گئى ہے، لیکن اس حدیث کو محدثین کرام نے "موضوع" (من گھڑت) قرار دیا ہے، لہذا جمعہ کى رات میں سورۃ یس اور سورۃ الصافات پڑھنے سے متعلق فضیلت والى روایت کو آنحضرت ﷺ کى طرف منسوب کرکے بیان کرنے سے اجتناب کرنا چاہیے۔ (1)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
(1) مسند الفردوس کما فی ذیل اللآلئ: (كتاب فضائل القرآن، 1/ 118، رقم الحديث (126)، ط: مكتبة المعارف للنشر والتوزيع)
عن نهشل بن سعيد ،عن الضحاك ،عن ابن عباس رفعه:"من قرأ يس والصافات ليلة الجمعة ثم سأل الله أعطاه سؤله".
نهشل كذاب.
وأقره الكناني في "تنزيه الشريعة ": (کتاب فضائل القرآن/ الفصل الثالث، 1/ 298، رقم الحدیث (41).
واللہ تعالیٰ اعلم بالصواب
دارالافتاء الاخلاص،کراچی