سوال:
مفتی صاحب ! ظہر، مغرب اور عشاء کی فرض نماز کے فورا بعد آیت الکرسی پڑھنے کا کیا حکم ہے؟
جواب: فرض نمازوں کے بعد آیۃ الکرسی پڑھنا نہ صرف جائز ہے، بلکہ مستحب ہے، حدیث شریف میں نماز کے بعد اس کے پڑھنے کی فضیلت وارد ہوئی ہے:
ترجمہ: جو شخص ہر فرض نماز کے بعد آیت الکرسی پڑھے، تو اس کے اور جنت کے درمیان صرف موت حائل ہے۔ (سنن الکبری للنسائی)
البتہ سر پر ہاتھ رکھ کر آیۃ الکرسی پڑھنا ثابت نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
السنن الکبری للنسائی: (رقم الحدیث: 9848، 44/9، ط: مؤسسة الرسالة)
«من قرأ آية الكرسي في دبر كل صلاة مكتوبة لم يمنعه من دخول الجنة إلا أن يموت»
واللہ تعالٰی اعلم بالصواب
دارالافتاء الاخلاص،کراچی