سوال:
مفتی صاحب ! مسجد میں داخل ہونے اور باہر نکلنے کی سنت کو مسجد کی حدود میں ادا کرنا لازم ہے یا دروازے سے باہر بھی ادا کرسکتے ہیں؟
جواب: واضح رہے کہ مسجد کا جو حصہ نماز کے لیے مخصوص ہے، اور جس حصہ پر مسجد کے احکام جاری ہوتے ہیں، (مثلاً: جنبی کا مسجد میں داخل نہ ہونا، اور معتکف کا بلاضرورت مسجد سے باہر قدم نہ رکھنا، وغیرہ) اس میں داخل ہوتے اور نکلتے وقت، مسجد میں داخل ہونے اور نکلنے کی سنتیں ادا کرنی چاہئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (رقم الحدیث: 713)
عن أبي حميد، أو عن أبي أسيد، قال: قال رسول الله صلى الله عليه وسلم: " إذا دخل أحدكم المسجد، فليقل: اللهم افتح لي أبواب رحمتك، وإذا خرج، فليقل: اللهم إني أسألك من فضلك ".
واللہ تعالٰی اعلم بالصواب
دارالافتاء الاخلاص،کراچی