سوال: حضرت رکوع اور سجدہ میں سبحان ربی العظیم اور سبحان ربی الاعلی ایک ایک بار پڑھنے سے بھی نماز ہو جاتی ہے یا تین تین بار پڑھنا فرض ہے؟
میں نے کسی سے سنا ہے کہ ایک ایک بار پڑھنا فرض ہے اور نماز ادا ہو جاتی ہے اور باقی کے دو بار پڑھنا سنت ہے۔

جواب: واضح رہے کہ رکوع اور سجدہ میں ایک مرتبہ ''سبحان ربی العظیم'' یا ''سبحان ربی الاعلی'' کہنے کی مقدار ٹھہرنا واجب ہے اور تین مرتبہ ''سبحان ربی العظیم'' یا ''سبحان ربی الاعلی'' پڑھنا سنت ہے، لہذا اگر کوئی شخص رکوع اور سجدے میں ایک مرتبہ "سبحان ربی العظیم" کہنے کی مقدار ٹھہرا رہا اور ایک مرتبہ بھی تسبیح نہیں پڑھی، تو نماز ہوجائے گی، البتہ رکوع سجدے میں تین مرتبہ تسبیح نہ پڑھنا سنت کے خلاف ہے۔