سوال:
قرآن مجید کی تلاوت ٹیپ ریکارڈر سے سننا زیادہ افضل ہے یا تسبیح پڑھنا زیادہ افضل ہے؟ براہ کرم رہنمائی فرمادیں۔
جواب: قرآن کریم کی تلاوت سننا اور ذکر و اذکار کرنا دونوں ہی ثواب کے باعث ہیں، البتہ یہ واضح رہے کہ ان دونوں میں سے جو بھی کام کیا جائے، اس کا اہتمام خشوع وخضوع، یکسوئی اور آداب کی رعایت کے ساتھ ہو۔ کسی دوسرے کام میں مشغول ہوکر محض ٹیپ ریکارڈر پر تلاوت لگا دینا اور اسے یکسوئی سے نہ سننا قرآن کریم کے آداب کے خلاف ہے، لہذا اس سے بچنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (الاعراف، الایۃ: 204)
وَإِذَا قُرِئَ الْقُرْآنُ فَاسْتَمِعُوْا لَه وَأَنْصِتُوْا لَعَلَّكُمْ تُرْحَمُوْنَo
الفتاوی الھندیۃ: (316/5)
لا يقرأ جهرا عند المشتغلين بالأعمال ومن حرمة القرآن أن لا يقرأ في الأسواق، وفي موضع اللغو كذا في القنية.
و فیھا ایضا: (316/5)
أن تعظيم القرآن والفقه واجب، كذا في فتاوى قاضي خان.
واللہ تعالٰی اعلم بالصواب
دارالافتاء الاخلاص،کراچی