سوال: مفتی صاحب ! ہمارے غسل خانہ میں کبھی کبھار بہت زیادہ چیونٹیاں ہوتی ہیں، کیا نہانے سے پہلے ان کو پانی ڈال کر بھگا سکتا ہوں، کیونکہ ایسا کرنے سے وہ مرجاتی ہیں؟

جواب: واضح رہے کہ اذیت سے بچنے کے لیے چیونٹیوں کو مارنے کی اجازت ہے، البتہ چیونٹیوں کو پانی میں ڈال کر مارنا مکروہ اور ناپسندیدہ عمل ہے، لہذا سوال میں ذکر کردہ صورت میں اگر چیونٹیوں پر پانی ڈالنے سے چیونٹیاں گٹر میں گرجاتی ہیں یا پانی میں ڈوب کر مرجاتی ہیں تو بہتر یہ ہے کہ اس کے بجائے کسی اور طریقے سے چیونٹیاں بھگائی جائیں۔