سوال: السلام علیکم، مفتی صاحب ! ہم نے ایک عالم دین سے سناہےکہ لپ اسٹک لگانے والی عورتوں کے ہونٹ قینچی سے کاٹے جائیں گے، اس قول کی تصد یق مطلوب ہے، رہنمائی فرمائیں۔

جواب: واضح رہے کہ عورت کا اپنے خاوند کے لیے زیب وزینت اختیار کرنے کے لیے ہونٹوں پر لپ سٹک (lip stick) لگانا جائز ہے، شریعت میں اس کی کوئی ممانعت نہیں ہے۔
البتہ اگر لپ اسٹک تہہ دار ہو کہ کھال تک پانی نہ پہنچتا ہو، تو وضو اور غسل کرتے وقت اس کو ہٹانا ضروری ہوگا، ورنہ وضو اور غسل درست نہیں ہوگا۔
باقی ان عالم دین نے مذکورہ ہونٹوں کے کاٹے جانے والی بات کس تناظر اور دلیل کی روشنی میں بیان کی ہے، وہ ان سے پوچھ کر ارسال فرمائیں، ان شاء اللہ اس کا جواب دے دیا جائے گا۔