سوال: السلام علیکم!
دفتر کی عمارت کے گراؤنڈ فلور کا ایک ہال مصلے کے طور پر مختص ہے، جگہ بھر جانے پر باہر پوری راہداری (کوریڈور) میں صفیں بنتی ہیں۔ مگر ہال اور اس کے درمیان پائیدان اور راہ گزر چھوڑنے سے کچھ فاصلہ ہوجاتا ہے، اس صورت میں باہر والوں کی نماز ہوجائے گی ؟

جواب: مصلّٰے کی حدود سے باہر صحن یا راستہ میں نماز کے صحیح ہونے کے لیے صفوں کا متصل ہونا ضروری ہے۔ صفوں کے اتصال کے بغیر امام کی اقتداء صحیح نہیں ہوگی۔
اتصال سے مراد یہ ہے کہ صفوف کے درمیان دو صفوں کے برابر یا اس سے زیادہ فاصلہ نہ ہو، البتہ اگر دیوار حائل ہو اور امام کے انتقالات (ایک رکن سے دوسرے رکن کی طرف منتقل ہونے) سے مقتدی باخبر رہیں، تو ان مقتدیوں کی نماز درست ہے۔