سوال: اس حدیث کی تحقیق مطلوب ہے کہ "ملک الموت جب بندہ کی روح وضو کی حالت میں قبض کرتا ہے تو اس کے لیے مغفرت لکھ دی جاتی ہے"۔

جواب: مذکورہ حدیث شریف کنزالعمال ، معجم الاوسط للطبرانی ، مسند ابی یعلیٰ اور شعب الایمان للبیہقی میں موجود ہے، لیکن اس کی سند پر محدثین رحمہم اللہ نے کلام کیا ہے اور اسے ضعیف قرار دیا ہے۔
اور ضعیف حدیث فضائل کے باب میں بیان کی جاسکتی ہے، لہذا اس حدیث کو ضعف کی صراحت کیساتھ بیان کرنا جائز ہے۔