سوال:
السلام علیکم، مفتی صاحب ! ایک مطلقہ عورت ہے، اس کی سسرال سے لڑائی ہے، یہاں تک کہ جان سے مار دینے کی دھمکی ہے اور میکے والے بھی مکمل طور پر بائیکاٹ کر چکے ہیں کہ ہمارے پاس نہیں آنا، ہمارا تم سے کوئی تعلق نہیں ہے، اب ایسی مطلقہ عورت عدت کہاں گزارے گی؟
جواب: سوال میں ذکر کردہ صورت میں چونکہ سسرال میں عدت گزارنے میں طلاق یافتہ عورت کو اپنی جان کا خطرہ ہے، لہذا یہ عورت ایسی جگہ عدت گزارے، جہاں اسے مکمل طور پر تحفظ حاصل ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الكريم: (الطلاق، الآیۃ: 1)
لَا تُخْرِجُوْهن مِنْ بُیُوْتِهنَّ وَلَا یَخْرُجْنَ اِلَّا اَنْ یَأ تِیْنَ بِفَاحِشَۃٍ مُبَیِّنة۔۔۔۔ الخ
الدر المختار: (537/3، ط: دار الفکر)
(وتعتدان) أي معتدة طلاق وموت (في بيت وجبت فيه) ولا يخرجان منه (إلا أن تخرج أو يتهدم المنزل، أو تخاف) انهدامه، أو (تلف مالها، أو لا تجد كراء البيت) ونحو ذلك من الضرورات فتخرج لأقرب موضع إليه.
الھندیۃ: (587/1، ط: دار الفکر)
فإن کان الزوج فاسقا یخاف علیہا منہ فإنہا تخرج و تسکن منزلا آخر احترازاً عن المعصیۃ.
واللہ تعالٰی اعلم بالصواب
دارالافتاء الاخلاص،کراچی