سوال: کیا صدقہ دیتے وقت لینے والے کو بتانا چاہیے کہ یہ صدقہ ہے؟
قرآن یا حدیث سے دلیل مطلوب ہے

جواب: کسی مستحق کو صدقہ، زکوٰة دیتے وقت بتانے میں ایک قسم کا احسان جتلانا ہے اور قرآن کریم میں اس سے منع کیا گیا ہے۔ارشاد باری تعالٰی ہے " يٰأَيُّهَا الَّذِينَ ءَامَنُواْ لاَ تُبْطِلُواْ صَدَقَـٰتِكُم بِالْمَنِّ وَالأَْذَىٰ "
ترجمہ:
 اے ایمان والو اپنے صدقات کو احسان جتلا کر اور تکلیف پہنچا کر ضائع مت کرو۔
اسی طرح قرآن کریم میں جہاں جہاں زکوٰة دینے کی بات بیان کی گئی ہے ، کہیں بھی یہ نہیں ہے کہ زکوٰة دیتے وقت مستحق کو بتایا جائے، اس لئے بتانا ضروری نہیں ہے۔
دوسری بات یہ ہے کہ عمل کے درست ہونے کے لئے نیت کا ہونا ضروری ہے۔
حدیث شریف میں ہے
"اِنَّمَا الْاَعْمَالُ بِالنِّـیَّاتِ"(بخاری)
ترجمہ:
اعمال کا دارومدار نیّتوں پر ہے۔
لہذا اس حدیث سے ثابت ہوتا ہے کہ عمل کے لئےصرف نیت کا ہونا ضروری ہے اور زکوٰة ، صدقہ دیتے وقت بتانے کا کہیں بھی ذکر نہیں ہے۔