سوال: السلام علیکم، مفتی صاحب!
ہمارے نانا کے پانچ بیٹے اور چھ بیٹیاں ہیں، نانا نے اپنی زندگی ہی میں اپنا مکان ایک بیٹے کے نام کردیا تھا، تو کیا اب ان کے انتقال کے بعد باقی ورثاء کو اس مکان میں سے حصہ ملے گا یا نیہں؟ رہنمائی فرمادیں۔

جواب: اگر آپ کے نانا نے مکان صرف بیٹے کے نام کیا تھا، اور مالکانہ تصرف اور قبضہ نہیں دیا تھا، تو یہ مکان آپ کے نانا کی ہی ملکیت شمار ہوگا، اور ان کے انتقال کے بعد ان کے شرعی ورثاء میں شریعت کے میراث کے قانون کے مطابق تقسیم کیا جائے گا۔
اور اگر آپ کے نانا نے بیٹے کو مالکانہ تصرف اور قبضہ بھی دیدیا تھا، تو یہ مکان بیٹے کی ملکیت شمار ہوگا، اور وہ اس مکان کا تنہا مالک ہوگا، اس صورت میں نانا کے دیگر شرعی ورثاء کا اس مکان میں کوئی حق نہیں ہوگا۔