سوال: کیا یہ بات کسی حدیث سے ثابت ہے کہ جوانی کی ایک نماز بڑھاپے کی ہزار نماز سے بہتر ہے؟

جواب: سوال میں مذکور جوانی اور بڑھاپے کی نماز کی فضیلت کے بارے میں ایسی کوئی حدیث ہمارے علم میں نہیں ہے، البتہ نماز کی فضیلت کا تعلق اس میں خشوع وخضوع سے ہے، اسی لیے جوانی اور بڑھاپے کی نماز کی کوئی متعین فضیلت نہیں ہے، البتہ آغاز جوانی ہی سے عبادت الہی میں لگ جانے کی فضیلت بلا شبہ حدیث شریف میں وارد ہوئی ہے کہ قیامت کے دن عرش کے سائے میں سات افراد کو جگہ ملے گی، ان میں سے ایک وہ نوجوان بھی ہے، جو جوانی کی ابتداء ہی سے اللہ کی عبادت میں لگ گیا ہو اور نماز عبادت کی اعلی قسم ہے۔