سوال:
السلام علیکم، مفتی صاحب! میری بیوی کے پاس تین تولہ سونا اور ایک لاکھ روپیہ ہے، اس پر زکوٰۃ کا کیا حکم ہے؟براہ کرم رہنمائی کیجئے۔
جزاک اللہ
جواب: اگر آپ کی بیوی کے پاس مذکورہ کیش (رقم) ضرورت سے زائد ہے، اور اس سونے اور کیش کو ملا کر اس کی قیمت ساڑھے باون تولہ چاندی کی قیمت کو پہنچتی ہو، تو اس سونے اور کیش کے ڈھائی فیصد کی زکوٰۃ نکالنا فرض ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (179/1، ط: دار الفکر)
وتضم قیمۃ العروض الی الثمنین ، والذھب الی الفضۃ قیمۃ کذا فی الکنز حتی لو ملک مائۃ درھم وخمسۃ دنانیر قیمتھا مائۃ درھم تجب الزکوٰہ عندہ خلافا لھما ولو ملک مائۃ درھم وعشرۃ دنانیر أو مائۃ وخمسین درھما وخمسۃ دنانیر أو خمسۃ عشر دینارا وخمسین درھما تضم اجماعا ۔۔۔۔
واللہ تعالٰی اعلم بالصواب
دارالافتاء الاخلاص،کراچی