سوال: مفتی صاحب! اگر مسافر امام سے نماز میں سہو ہوجائے تو مقتدی سجدہ سہو میں سلام پھیر سکتا یا نہیں؟ اگر نہیں تو پھر کیا حکم ہے؟

جواب: اگر مسافر امام سے چار رکعات والی نماز میں سہو ہوجائے تو مقیم مقتدی مسبوق کی طرح امام کے ساتھ صرف سجدہ سہو کرے گا، سلام نہیں پھیرے گا، البتہ اگر مسافر امام سے دو رکعات والی نماز میں سہو ہوجائے تو شروع نماز سے شامل ہونے والا مقیم مقتدی امام کے ساتھ سلام بھی پھیرے گا اور سجدہ سہو بھی کرے گا۔