سوال: السلام علیکم، مفتی صاحب! اگر مقتدی امام کی تکبیرِ تحریمه شروع کرنے کے بعد تکبیر کہے، مگر امام کی تکبیر لمبی ہونے کی وجہ سے مقتدی کی تکبیر امام کی تکبیر سے پہلے ختم ہوجائے تو اس نماز کا کیا حکم ہے؟ رہنمائی فرمادیں۔

جواب: اگر تکبیر تحریمہ کے وقت مقتدی امام سے پہلے "اللہ اکبر" مکمل کرلے تو مقتدی کی اقتداء درست نہیں ہوئی، اسے چاہیے کہ دوبارہ "اللہ اکبر" کہہ کر نماز میں شامل ہوجائے، اگر اس نے دوبارہ تکبیر تحریمہ نہیں کہی اور اسی طرح نماز مکمل کرلی تو اس کی نماز درست نہیں ہوئی، اس کو دوبارہ نماز پڑھنا ضروری ہے۔