سوال:
السلام علیکم، مفتی صاحب! نئی گاڑی کی بکنگ کرائی ہے، مگر رمضان کے بعد ملے گی، کیا ان پیسوں کو زکوٰۃ میں شامل کرنا ہوگا؟ پیمنٹ ڈیلیوری کے بعد دینی ہے، مگر معاہدہ ہوگیا ہے، رہنمائی فرمادیں۔
جواب: سوال میں ذکر کردہ صورت میں چونکہ گاڑی کی خریداری کا سودا مکمل ہونے کی وجہ سے آپ کے ذمہ گاڑی کی قیمت واجب الاداء ہے، لہذا اس گاڑی کی واجب الاداء رقم پر زکوۃ واجب نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهندية: (الباب الاول فی تفسیرھا، 172/1، ط: دار الفکر)
(ومنها الفراغ عن الدين) قال أصحابنا - رحمهم الله تعالى -: كل دين له مطالب من جهة العباد يمنع وجوب الزكاة سواء كان الدين للعباد كالقرض وثمن البيع وضمان المتلفات وأرش الجراحة.
واللہ تعالٰی اعلم بالصواب
دارالافتاء الاخلاص،کراچی