سوال: مفتی صاحب ! کیا آرٹیفیشل جیولری پہن کر خواتین کی نماز ہو جاتی ہے؟

جواب: واضح رہے کہ آرٹیفیشل زیورات کا استعمال عورت کے لیے جائز ہے، اور اس کو پہن کر نماز بھی پڑھ سکتی ہے، البتہ سونے اور چاندی کی انگوٹھی کے علاوہ کسی اور دھات (لوہا، تانبا، پیتل، اسٹیل وغیرہ) کی انگوٹھی پہننا مکروہ تحریمی ہے، اس لئے خواتین کو اس کے پہننے سے اجتناب کرنا چاہیے، البتہ حضرت گنگوہی رحمہ اللہ نے اس کو مکروہ تنزیہی (خلافِ اولیٰ) قرار دیا ہے۔
اس لئے اگر کوئی خاتون سونے اور چاندی کے علاوہ اسٹیل یا کسی اور دھات کی انگوٹھی پہنے، تو اس کو نرمی سے سمجھا دیا جائے، البتہ سختی نہ کی جائے۔